Язучы Камил Кәримов белән очрашуны күрми калмагыз
21.11.2025
Форма поиска
Сезгә «Тәнәфес» дигән хикәядән бер өзек тәкъдим итәбез.
«Мин Шәле дигән зур авылның кечкенә бер улы. Гасырыбызның кыл уртасында минем өчен дә бишек эленгән. Туган елым әтиемне җирләгән ел... Әниемнең мичтән ипи алганын өч бала көтеп тора идек. Табигатькә кечкенәдән гашыйк, шуңа, ахры, безнең авылга язлар бик иртә килеп, көзләр соң гына китә торган иде. Мәктәпне тәмамлагач, су скважиналары бораулаучысы булып эшләдем. Хәзер Казан дәүләт культура институтында укыйм. Беренче әсәрләрем «Яшь ленинчы»да басылды….»
Әйе, әйе, сез ялгышмадыгыз... «Милли кунакханә»дә Татарстанның халык язучысы, Габдулла Тукай исемендәге дәүләт бүләге иясе, Татарстанның атказанган сәнгать эшлеклесе, язучы Камил Кәримов. Аның белән әңгәмәне карагач язучы иҗаты белән тагын да якынрак танышасы килү теләге артыр дип ышанабыз.
21 ноябрь, 14.00 сәгатьтә «Милли кунакханә»гә рәхим итегез!
Очрашуны безнең ВКонтакте челтәрендәге рәсми биттә карарга мөмкин.
Башка яңалыклар
29.10.2025
