Форма поиска
Әтнә Үзәк китапханәсендә Ватанны саклаучылар елы, Бөек Җиңүнең 80 еллыгы һәм районыбызның 35 еллыгы уңаеннан нәшер ителгән «Онытылмас еллар сулышы» китабын тәкъдим итү кичәсе узды.
Китапта фаҗигале елларның барлык авырлыкларын үз җилкәләрендә күтәргән, үз күзләре белән күргән Әтнә районының сугыш ветераннары, тыл хезмәтчәннәре, сугыш чоры балалары турында туганнары, якыннары, балалары, онык-оныкчыклары язган истәлек-язмалар урын алды.
Китапны тәкъдим итү кичәсендә районыбыз җитәкчеләре, китапка кергән язма авторлары, сугыш чоры баласы – Мәнфүрә апа Абдуллина, читтә яшәүче якташларыбыз һәм башка күпсанлы кунаклар катнашты. Чыгыш ясаучыларыбыз якыннары турындагы бик кадерле истәлекләре, берсеннән-берсе гыйбрәтле гаилә тарихлары белән уртаклашты.
Көтеп алынган мизгел – язма авторларына китап бүләк итү – чараның иң күркәм өлеше булды.
Башка яңалыклар
