«Милли кунакханә»дә - «Әллүки» курайчылар студиясе җитәкчесе Ләйсән Гареева

«Милли кунакханә»дә сезне мәдәниятнең төрле тармаклары, андагы яңалыклар, үткәннәрнең якты кайтавазлары белән таныштырып барырга тырышабыз.

Музыка уен кораллары халыкларның этник һәм тарихи-мәдәни уртаклыгын билгели торган истәлекләр булып тора. Шуңа күрә аларны өйрәнү зур фәнни һәм мәдәни әһәмияткә ия.

Кунагыбыз – үз эшенә ихлас бирелгән, халкыбызның милли уен коралларын халыкка танытуда армый-талмый хезмәт итүче музыкант, педагог, «Әллүки» курайчылар студиясе җитәкчесе Ләйсән Гареева.

Аның белән әңгәмәне 12 сентябрь көнне 14.00 сәгатьтә карый аласыз. Безнең белән бергә булыгыз!

Очрашуны безнең ВКонтакте челтәрендәге рәсми биттә карарга мөмкин.