Балтачта районкүләм «Татар егете, татар кызы – 2026» бәйгесе узды
26.02.2026
Форма поиска
21 февраль көнне Балтач район Мәдәният үзәгендә «Татар егете, татар кызы – 2026» бәйгесе үтте. Аның беренче турында Балтач районыннан 13 татар кызы, 21 татар егете көч сынашты. Финал ярышларында исә 8 егет һәм 8 кыз үз осталыкларын күрсәтте.
Районкүләм «Татар егете, татар кызы – 2026» бәйгесе финалистларын район «Әтиләр Советы» җитәкчесе Булат Бакый улы Зыятдинов җитәкчелегендәге «Ак калфак» район иҗтимагый оешмасы әгъзалары, бәйгенең алдагы еллардагы республика җиңүчеләре бәяләде.
Балтач районы Башкарма комитеты җитәкчесе Айдар Хәйретдинов һәм Республикакүләм «Татар кызы – 2018» бәйгесенең җиңүчесе, Дөньякүләм «Татар кызы – 2018» конкурсы финалисты Гүзәл Габдрахманова һәм Республикакүләм «Татар егете – 2025» бәйгесенең җиңүчесе Инсаф Ибрагимов барлык номинация буенча катнашучыларны бүләкләп, төп җиңүчеләрне игълан иттеләр.
Җиңүче кызларга Гүзәл үзенең милли кул эшләнмәләрен дә бүләк итте.
Бар яктан да уңган, булган егет-кызлар арасыннан бу бәйгедә Пыжмарадан Лилия Таһирова һәм Бөрбаштан Кәрим Газизуллин җиңү яуладылар!
Башка яңалыклар
