Форма поиска
22 август көнне Арча шәһәренең Үзәк стадионында «Арча читекләре» Республикакүләм этнофестивале узды. Фестиваль онытыла барган борынгы йолаларны, гореф-гадәтләрне торгызу, халык җыр-биюләрен саклап калу һәм киләчәк буыннарга җиткерү, чарада катнашучы иҗат коллективларына тәҗрибә туплау максатында гына үткәрелми. Аның тагын бер мөһим юнәлеше - читек чигү осталарын, һөнәрчеләрне барлау, күн кәсепчелеген, татар халкының милли аяк киеме - читекне популярлаштыру.
Бәйрәмдә катнашучылар һәм чара кунаклары татар читеге тарихын чагылдырган күргәзмә, район һөнәрчеләренең кул эшләнмәләре белән таныша алды, күн мозаикасы, «Казан җөе» һәм читек чигүгә багышланган осталык дәресләрендә катнашты.
«Арча читекләре» фестиваленең мәдәни программасында Татарстанның Алексеевск, Биектау, Арча, Әтнә, Нурлат, Балтач районнары, Казан шәһәре иҗат коллективлары, үзешчән сәнгать осталары чыгыш ясады.
Шулай ук этнофестивальдә катнашырга килгән коллективлар арасында читек белән бәйле күл эшләнмәсе бәйгесе дә үтте.
Башка яңалыклар
