Форма поиска
«Арча читекләре» Республика этно-фестиваленең максаты – традицион мәдәниятне, халык иҗатының һәм декоратив-гамәли сәнгатьнең иң яхшы үрнәкләрен ачыклау, онытыла барган йолаларны, җыр-биюләрне торгызу, читек чигү осталарын барлау һәм татар милли аяк киемен популярлаштыру.
Фестивальдә вокаль, фольклор яки бию коллективлары, халык музыка уен коралларында уйнаучылар, һәвәскәр сәнгать төркеме вәкилләре катнаша ала.
Номинацияләр:
- «Халык җыры» (лирик, уен, бишек, такмак һ.б.);
- «Халык биюе»;
- «Инструменталь башкару» (гармун, кубыз, курай, сорнай, мандолина, думбра һ.б.);
- «Фольклор-этнографик күренеш» (7 минуттан артмаска тиеш).
Гаризалар 15 августка кадәр ardк-metod@mail.ru электрон почтасына («Арча читекләре» дип исемләнгән хат рәвешендә) җибәрелә.
Мөһим шартлар:
- һәр коллективтан бер генә концерт номеры;
- репертуар башкаручыларның яшь үзенчәлекләренә туры килергә, халык традицияләрен сакланырга тиеш;
- чыгышны милли киемнәрдә ясау мәҗбүри;
- һәр коллектив үзе белән кул эшләнмәсе – сувенир читек алып килергә тиеш. Иң оригиналь эшләр авторларына истәлекле бүләкләр тапшырылачак!
Фестиваль 21 август көнне Арча шәһәренең Үзәк стадионында узачак.
Тулырак мәгълүмат – фестивальнең нигезләмәсендә (астарак урнаштырылган).
Документлар
Башка яңалыклар
