Форма поиска
26 февраль көнне Зәй шәһәренең С. Рәфыйков исемендәге Үзәк китапханәдә бөек татар шагыйре Габдулла Тукайның тууына 140 ел тулу уңаеннан «Без Тукайлы халык!» дип исемләнгән әдәби-музыкаль кичә узды.
Тукай поэзиясе кешеләрне гасырдан артык илһамландыруын дәвам итә. Аның әсәрләре 40 телгә тәрҗемә ителгән, алар яхшылыкка, гаделлеккә һәм кыюлыкка өйрәтәләр, кешеләрнең һәм Ватанның язмышы турында уйланырга өндиләр.
Тантаналы чарага Зәй муниципаль районы башлыгы урынбасары Петр Уразайкин һәм мәдәният идарәсе җитәкчесе Адилә Корнилова чакырылган иде.
Чарада катнашучылар шагыйрьнең шигырьләрен укыдылар һәм аның сүзләренә язылган җырларны башкардылар. Китапханә хезмәткәрләре «Печән базары» күренешен сәхнәләштерде. Тамашачылар «Мирас» ансамбле башкаруында җыр тыңладылар, ә «Елмаю» бию төркеме атаклы «Шүрәле» биюен башкарды. Кичә кунаклары шулай ук Тукай әкиятләренең тылсымлы дөньясына чумды.
Чарага шагыйрьнең китапларыннан саллы күргәзмә оештырылды, анда татар, рус һәм инглиз телләрендәге басмалар белән танышырга мөмкин иде.
Иң актив укучылар һәм шигърият сөючеләр Мария Костюченко, Роза Хәйретдинова, Әнисә Шәфиева, Флера Гыйниятова һәм Сергей Альмеченко Рәхмәт хатлары белән бүләкләнде.
Яшь буын да игътибарсыз калмады. Шигърияткә булган ихлас мәхәббәте, тырышлыгы һәм таланты өчен Камил Хамматов, Илхан Гәрәев, Камил Гыйльфанов, Диләрә Хафизова, Радмир Бусов, Сагдиана Сруртдинова бүләкләнде.
Бәйрәм татар халкының гимнына әверелгән «Туган тел» җырын күмәк башкару белән тәмамланды.
Башка яңалыклар
