Бездә кунакта - Көнчыгышны өйрәнү югары мәктәбе факультеты деканы Эльмира Хәбибуллина

Халыкта: «Телләр белгән – илләр гизгән» дигән әйтем бар. Соңгы елларда яшьләр арасында берничә тел өйрәну матур күренешкә әйләнде. Бу – замана таләбе. Киләчәк яшь буын кулында бит. Ә тылмач ул үз җавабын үзе табар, диләр.

Җәйге чор башкалабыз Казан өчен туристлар агымының артуы белән дә кадерле. Татарстаныбызны һәр яктан ачып бирү өчен килгән кунакның үз телендә аралашу милләтебезнең тагын бер асыл ягын ачу, миңа калса.

Җәй әле ул мәктәпләрдә соңгы имтиханнар, югары уку йортларында кабул итү имтиханнары чоры да бит. Боларның һәрберсе турында тәфсилләбрәк сөйләр өчен без студиягә КФУның Халыкара мөнәсәбәтләр, тарих һәм көнчыгышны өйрәнү институтының Көнчыгышны өйрәнү югары мәктәбе факультеты деканы, доцент, филология фәннәре кандидаты Эльмира Камил кызы Хәбибуллинаны чакырдык.

5 июнь 14.00 сәгатьтә «Милли кунакханә»гә рәхим итегез! Очрашуны безнең ВКонтакте челтәрендәге рәсми биттә карарга мөмкин.